01 Aug 2014

Ufuna ukukhokha amalobolo obulale intombi

Mavi Ngcobo - Daily Sun

Durban - Umlisa osolwa ngelokubulala intombi yakhe waphinde wagwaza umama wayo usefuna ukubonisa ukuthi uxolisa kangakanani nokuthi wayeyithanda kangakanani, kubike iDaily Sun ngoLwesithlanu.

Ufuna ukukhokha amalobolo bese eyayishada intombi yakhe engasekho emhlabeni, uSamkelisiwe Hlongwane ,24, waseKuvukeni, eMnambithi, ogwazwe washona ngoLwesihlanu olwedlule.

Umama kaSamkelisiwe, uThembisile Thungo, 46, uthi isoka lendodakazi limgwaze ngesikhathi ezama ukulekelela indodakazi yakhe.

“Ungigwaze esiswini amahlandla angu-8. Ngemuva kwalokho wayoqedelela indodakzi yami,” kusho umama.

"NgoMgqibelo isoka labuya langitshela ukuthi lifuna ukukhokha amalobolo bese lishada noSamkelisiwe ngisho esesebhokisini ukuze likhombise ukuthi liyaxolisa.

“Ucele ukuthi ngimxolele, wathi ubediniwe,” kusho umama.

UCaptain Thulani Zwane uthe umsolwa uzinikele yena emaphoyiseni kanti uthweswe icala lokubulala nokuzama ukubulala.

“Ubevele eNkantolo yeMansthi yaseMnambithi ngoLwesibili,” kusho uZwane.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

-Thola ezinye izindaba zeDaily Sun kumakhalekhukhwini wakho

-Thola izindaba zeDaily Sun kuFacebook

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()