Pretoria - UKhomishana wamaPhoyisa omusha uMangwashi Phiyega uthe ufuna ukwakha kabusha umbutho wamaphoyisa iSA Police Service, ubuyelwe isithunzi.
"Kuwumsebenzi onzinyana ozodinga sibuye siphuze isiphuzo sokubuyisa amandla iRed Bull," kusho uPhiyega etshela izintatheli ePitoli.
"Ngikulungele ukusebenza."
Ukhomishana uthi ufuna abahlali bakuleli babe nokuwethemba amaphoyisa, bazizwe bephephile.
"Ukuze sizophumelela ngiyazi ukuthi kubalulekile ukuthi sibuze, sifunde siphinde silalele."
"Sizosebenza ngokuzimisela. Ukuqeqeshwa kwamaphoyisa kuzolokhu kubalulekile kithi," echaza.
Ukhomishana uthulwe kwabezindaba nguNgqongqoshe woMnyango wamaPhoyisa uNathi Mthethwa ngoLwesine.
– "Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
