Johannesburg - Amaphoyisa asekhiphe incwadi egunyaza ukuboshwa kukamfundisi okumanje ugcwele izinkalo ngemuva kokuvela kwezinsolo ezithi ushaye unkosikazi wakhe.
Ngokombiko weSowetan Live, lo mfundisi kusolakala ukuthi ushaya umkakhe nje ubesanda kubuya esibhedlela ngemuva kokuyobeletha usana lwentombazane.
Umyeni kaThembi Lebese, uTimothy Phehelo Radebe, 34, ongumfundisi eWinterveldt ngasePitoli, kuthiwa umshaye wamshiya umndondo ngaphambi kokukhala amaphepha.
ULebese kuthiwa kumanje usekubhaceni.
OLUNYE UDABA: Limlahlile umfundisi elokunukubeza abazalwane
Lo mfundisi odume ngelika"Pastor Touch" bekumele avele eNkantolo yeMantshi yaseSoshanguve mayelana nencwadi yesivumbezelo ayifakelwa nguLebese.
Kuthiwa laba sebehlukene ngenxa yokuthi umfundisi umhlukumeza kakhulu unkosikazi.
“Ubelokhu engisola ngokuthi ngineshende, ekubeni kube kunguye oqonyiwe. Ubehlezi engisabisa ngokungibulala uma ngike ngabikela amaphoyisa ukuthi uyangishaya,” kusho uLebese.