Durban – Ugwetshwe iminyaka engu-25 esezikhindini uSimosakhe Ngcobo, 27, waseNanda othi akazange angabaze ngesikhathi iphoyisa limthenga ngo-R20 000 ukuba abulale ingane yalo.
UNgcobo akazange agwetshwe udilikajele ngoba wazivolontiyela ukwethula ubufakazi obulahla ubaba wengane yentombazane, 7, uThokozani Ngidi – oyiphoyisa.
OLUNYE UDABA: Sibhuntshile isicelo kosolwa ngelokubulala
UNgcobo, onendodakazi eneminyaka emibili ubudala, ugwetshwe le minyaka ngendima ayidlala ekubulaleni uPhiliswa Zungu, ngoMashi 4, kubika iDaily News.
Le ngane yahudulwa ikubo eNsuze, KwaDukuza, yagwazwa amahlandla angu-40 yakhishwa amathumbu ngomkhonto.