Johannesburg - Ubaba ujwetshwe iminyaka engu-18 ebhadla ejele ngokudlwengula indodakazi yakhe eneminyaka eyisikhombisa ubudala, kusho amaphoyisa aKwaZulu-Natal ngoLwesihlanu.
Lo baba oneminyaka engu-28 ubudala utholwe enecala wabe esegwetshwa yiNkantolo yesiFunda ePinetown ngoLwesibili, kusho uMajor Thulani Zwane.
"Kusolakala ukuthi phakathi kuka-2013 no-2014 umsolwa wayedlwengula indodakazi yakhe emzini wabo eNew Germany bese eyisabisa ngokuthi uzoyibulala uma ingabikela umuntu ngalolu daba,” kusho uZwane.
"Ngomhlaka 8 Agasti 2014, isiulu sabikela umama waso lolu daba. Kwabe sekuvulwa icala lokudlwengula esiteshini samaphoyisa ePinetown."
Funda nalolu daba: Bazole udilikajele ababulala umlimi waseXobho.
Icala ladluliselwa ngaphansi kophiko lwePinetown family violence, child protection, and sexual offences, ngemuva kwalokho waboshwa ubaba.
Ukhomishana wamaphoyisa esifundazweni uLt-Gen Mmamonnye Ngobeni ulushayele ihlombe uphiko lwasePinetown lwe-family violence, child protection, and sexual offences ngomsebenzi abawenziwe.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.