25 Jul 2014

Ugwetshwe odilikajele owabulala esiza uDJ

Durban - INkantolo yesiFunda eMlazi imthole namacala amabili okubulala uThandwayinkosi Ephraim Bhengu, 31, amacala wawenzela eMlazi kwa-J ngomhlaka 26 Novemba 2011, yabe isimugweba odilikajele ababili, kusho amaphoyisa aKwaZulu-Natal ngoLwesihlanu.

“Ngelanga lesehlakalo, uSphiwe Mhlongo, 24, nomngani wakhe uMlungiselwa Ncwane babesendaweni yokucima ukoma ngesikhathi kuqubuka impi phakathi kwakhe no-DJ,” kusho okhulumela amaphoyisa uColonel Jay Naicker, esitatimendeni.

Kuthiwa u-DJ wabiza umngani wakhe, uThandwayinkosi ukuba azomlekelela.

“UThandwayinkosi wafike wadubula wabulala uMhlongo noNcwane,” kusho uNaiker.

Kwavulwa icala lokubulala esiteshini samaphoyisa aseBhekithemba.

Ngomhlaka-7 Agasti 2012, uThandwayinkosi waboshwa. Wavela eNkantolo kaMntshi izikhathi eziningana ngaphambi kokuba atholwe enecala ngomhlaka-5 Julayi 2014.

Ukhomishana wamaphoyisa esifundazweni, uLieutenant General Betty Ngobeni, uwashayele ihlombe amaphoyisa aseBhekithemba ngomsebenzi omuhle awenzile.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()