Ukhala ngamaphoyisa uyise wentombazane eyabulawa

Johannesburg – Uyise wentombazane eyatholakale ibulewe eGoli uchaze ngokuba yizahluleki kwamaphoyisa ngemuva kokubika  ngokunyamalala kwendodakazi yakhe.

Ngokubika kweSowetanlive u-Ipeleng Moholane obengumfundi wesikhungo semfundo ephakeme iMidrand Graduate Institute watholwa eseshonile esigangeni ePresident Park khona eMidrand ngoMsombuluko.  

Uyise wale ntombazane ebineminyaka engu-19 ubudala u-Isaac Moholane uthe umndeni usashaqekile ngalesi sigameko.

“Sengisibonile isidumbu sakhe, wadlwengulwa wabe eseyaklinywa.

Izinyawo zakhe beziboshwe ngephenti lakhe.

Sengike ngaya futhi nalapho isidumbu sakhe satholwa khona.

Indodakazi yami ishone ngesihluku esimangalisayom,” kusho uMoholane okholelwa ekutheni indodakazi yakhe yabulawa ngeSonto.

OLUNYE UDABA: Kuboshwe amaphoyisa ngokweqa kwesiboshwa

Uthe wachitha usuku lonke no-Ipeleng ngosuku lokugubha omama kanti waphinde waxhumana naye phakathi nesonto kanti wayengakhombisi ukukhathazeka. UMoholane uthe indodakazi yakhe yanyamalala ePitoli ngemuva kokuhambela inkonzo. 

Uqhube wathi uke amaphoyisa ayinohlelo oluqondile nokubhekana nesimo esifana nokunyamalala kwendodakazi yakhe ngabe isaphila.

“Amaphoyisa ahlulekile ukuba wusizo.

Ngangifuna ukuthi kulandelwe umkhondo kamakhalekhukhwini wakhe kodwa angizange ngisizakale.

Kunabantu abangitshela ukuthi indodakazi yami yabonakala kwiBMW emnyama nabesilisa baseNigeria,” esho.

ULieutenant-Colonel Lungelo Dlamini uthe amaphoyisa azobhekana nezikhalo zomndeni mayelana nokuphathwa kwaleli cala uma esethola isimangalo esisemthethweni.  UDlamini uthe amaphoyisa ayaphenya ngokubulawa kuka-Ipeleng.

     - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter