Publications
Partners
Nelspruit - Owesilisa usolwa ngokudlwengula ingane kankosikazi wakhe ngemuva kokuthi lezi zithandani bese zizame iminyaka ukuthola ingane kepha kungalungi, ngokusho kombiko.
Ngokusho kokhulumela amaphoyisa uConstable Willie Mokwana, lo baba, 30, wathuma le ngane yentombazane angayizali, 15, ukuba iyobheka izimbongolo ehlathini, kubika iDaily Sun.
Kusolakala ukuthi wabe eseyilandela, wayithintathinta ngaphambi kokuyidlwengula.
“Le ndoda edabuka eKatjibana ngaseVaalbank, eMpumalanga, itshele amaphoyisa ukuthi ayinaye umntwana ngoba umama wengane akakhulelwa yize sebezame iminyaka," kusho uMokwana.
“Uthi ubefuna ukuhlola ukuthi ngabe uyakwazi yini ukuthola abantwana ngokuthi ayengele le ngane ehlathini bese eyayidlwengula."
UMokwana uthi lo baba waqala ngoFebhuwari ukulala nale ngane, okumanje inezinyanga eziyisithupha izithwele.
Uvumile ukuthi ungubaba wengane esesiswini, wabe esebekwa icala lokudlwengula.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
- Thola ezinye izindaba zeDaily Sun kumakhalekhukhwini wakho
