Durban – Ukuziqhayisa nobulima okwenziwe yizisebenzi zikaMasipala waseThekwini kumalungu e-EFF ngesikhathi ehambele izindawo okubhace kuzona abokufika eThekwini yikhona okwenza izwe lingazihlanganisi nezwekazi.
Lawa ngamazwi ashiwo umholi weqembu uJulius Malema ngemuva kokuhilizisana namavolontiya kanye nezisebenzi zikamasipala ezisebenza lapho kubhace khona abokufika eChatsworth ngeSonto.
Kuze kwabizwa amaphoyisa ukuba azohlukanisa amavolontiya namalungu e-EFF ngesikhathi amalungu aleli qembu ezama ukwehlisa impahla abebezonikela ngayo.
Funda nalolu daba: Kutholane phezulu abamatekisi 'nezigebengu'
Amavolontiya abezwakala ememeza ethi: “Ubani othe sifuna usizo lwakho? Asiswele abantu abazosihlinzeka [ngokudingakalayo].”
UMalema kanye nalabo abehambisana nabo abavunyelwanga ukuba bangene kule ndawo bakhulume nabokufika.
Kuze kwadingeka ukuba isixuku sabokufika sihlanganele eduze kweveni abithwele amanabukeni, insipho nokunye, nokuyilapho uMalema ekhulume khona nabo, kubika iThe Mercury.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.