Cape Town – Kunokuthi ayilaxaze esigangeni, umama wengane yomfana enenyanga eyodwa izelwe, unqume ukuyishiya ebhokisini elakhelwe ukushiya izingane eHeldberg Clinic, eKapa.
Lolu sana kuthiwa lubekwe kahle kuleli bhokisi eliseHelderberg Baby Saver' at Choices Crisis Pregnancy Counselling Centre ngoMsombuluko ntambama, kanti lungolokuqala ukufika kusukela lolu hlelo lwasungulwa ngonyaka odlule.
OLUNYE UDABA: Lihlehlisiwe elowesifazane owalaxaza usana ePMB
Ingane ishiywe igqoke i-rompa, isongwe kahle ngengubo yase ifakwa idamu emlonyeni, kusho umsunguli walesi sikhungo uSandy Immelman etshela iNews24 ngoLwesibili.
"Kusobala ukuthi umama wale ngane ubeyithanda futhi eyinakekela. Akazange anqume ukuyilahla kepha uyifake kuleli bhokisi ukuze ithole usizo.”
Uthe le ngane ibingakaqanjwa igama.
“Uma umama wayo engaveli sizobe sesiyifunela umndeni ozoyikhulisa.”
Okwamanje uthi igcinwe esibhedlela.