Cape Town - Umfana, 12, waseMitchells Plain, eKapa, okukholakala ukuthi ubedlala ngoqhwasha, ushonele esibhedlela ngemuva kokuzidubula ngephutha.
Okhulumela amaphoyisa esifundazwe uLieutenant Frederick van Wyk uthe amaphoyisa athole uNowan Africa enehlandla lokudutshulwa ekhanda ngeSonto ntambama kuSugarloaf Street, eTafelsig, kubika iCape Times.
UNowan, obenza uGrade 7, uphuthunyiswe esibhedlela ngemuva kokuvelelwa yile ngozi ngeshwa washona ezintatha ngoMsombuluko.
OLUNYE UDABA: Kudubuleke iphoyisa kudunwa iloli likagwayi
"Kukholakala ukuthi isisulu nabangani baso bebedlala ngoqhwasha ngesikhathi sidubuleka. Kumanje kuphenywa icala lokubulala," kusho uVan Wyk.
“Okwamanje uphenyo lusaqhubeka kanti bekungakaboshwa muntu."
Le ngane izofihlwa kule mpelasonto esiya kuyo.