Cape Town – Umfana oneminyaka engu-12 ubudala udedelelwe ezandleni zomzali kulandela ukuboshwa mayelana nezinsolo zokubulala eGeorge, eWestern Cape.
Le ngane isolwa ngokugwaza umfana, 14, washona ngesikhathi kuqubuka ingxabano ngempelasonto.
Okhulumela amaphoyisa uMalcolm Pojie uthe lo mfana uvele enkantolo ngoMsombuluko.
OLUNYE UDABA: Kugwetshwe iphoyisa elabulala intombi
“Ube esededelwa ngaphansi kweso lomzali yiNkantolo yeMantshi yaseThembalethu ngemuva kokuboshwa ngoMgqibelo mayelana nesigameko sokugwaza.
“Ulwazi esinalo luthi ummangalelwa ugwaze umfana, 14, esifubeni ngemuva kokuqophisana ngamazwi, washona.”