Publications
Partners
Johannesburg - Sekuvulwe idokodo ngemuva kokuba kushone isaguga esineminyaka engu-73 ubudala kulandela ukuqubuka komlilo eMindalore, eKrugersdorp, eGauteng.
Okhulumela amaphoyisa aseKrugersdorp uSergeant Tshepiso Mashale uthe amaphoyisa abesebenza endaweni ngesikhathi ebona okusantuthu lwelinye lamafulethi ngoMsombuluko, kubika iKrugersdorp News .
Funda nalolu daba: Amaphoyisa athungatha owesilisa odlwengule umfana
“Amaphoyisa aphuthume khona, athola ukuthi nebala kuyasha. Kudingeke ukuba amaphoyisa agqekeze angene ngaphakathi, Kuthe esengaphakathi akwazi ukuhlenga impilo yowesilisa okuyindodana yesaguga esishonile,” usho kanje.
UMashale uthe abosizo lokuqala bafike umlilo usucishiwe kanti owesifazane ubeseshonile.
Imbangela yomlilo ibingakaziwa kodwa uphenyo luyaqhubeka.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.
