29 Jul 2014

Umlisa osezinsolweni zokudlwengula inja yakhe

Bridget Masango - Daily Sun

Pretoria- Inja ihanjiswe eSPCA ngoMsombuluko odlule ngemuva kwenzisolo ezithi idlwenguliwe, kubike iDaily Sun ngoLwesibili.

Inja ingeyomlisa ongaphilile kahle ekhanda, ohlala eSuurman eHammanskraal, enyakatho yeTshwane.

Umalume womlisa, uPhillip Sadick , 63, nonkosikazi wakhe uThembi , 53, bathathe isinqumo sokuba babize abeSociety for the Prevention of Cruelty to Animals (SPCA) ngemuva kokubona izimpawu ezisolisayo ekamelweni lo mlisa.

Kuthiwa kubonakale igazi neziboya zenja emashidini akhe.

Lokhu kuqubule izinsolo zokuthi kungenzeka ukuba umshana wabo ulala nenja.

Umsolwa, 35, waqala ukugula ngekhada eneminyaka engu-8 ubudala.

UThembi uthe: “Siyazi ukuthi unenja kodwa kungithusile ukubona igazi neziboya zenja ezingubeni zakhe zokulala.

U-Inspector Meschack Matlou we-SPCA utshele iDaily Sun ukuthi: “Asikwazanga ukuvula icala ngoba umsolwa akaphilile kahle ekhanda. Inja izogcinwa lapha. Okwamanje asikaboni lutho olukhomba ukuthi inja yadlwengulwa.”

-“Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

Thola ezinye izindaba zeDaily Sun kumakhalekhukhwini wakho

Thola izindaba zeDaily Sun kuFacebook

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()