Umndeni uyamazi osolwa kwesokuduna - Umbiko

Johannesburg – Umndeni womfana oneminyaka emine ubudala uTeagrin Morris owahudulwa ngemoto wagcina ngokushona, usuhlonze indoda ethile yathi yiyo eyisola ngokudunwa kwawo, kusho abezindaba zeBeeld, ngoLwesibili.

Umndeni uthi indoda oyisolayo ibinokufika emzini wabo bayiphe izimpahla zokugqoka nokudla.

Umama wengane uChantel udunwe imoto ehamba nomndeni wakhe, ngoMgqibelo ebusuku.

UTaegrin Morris, ubehamba nomndeni wakhe ngemoto eyi-VW, ngesikhathi behlaselwa amadoda amathathu abadune imoto abatshela ukuthi abaphumele ngaphandle.

Amanye amalungu omndeni akwazile ukuphuma nokho uTaegrin wabambeka njengoba ebefaselwe esihlalweni.

"Umama uzame ukudonsa indodana yakhe nokho wahluleka, yahuduleka, abaduni behamba nayo ngenkani beyizwa ikhala," kusho okhulumela amaphoyisa uKhensane Magoai.

Amalungu omphakathi waseReiger Park asefunge agomela ukuthi azobazozi bambela mathuba uma amaphoyisa ehluleka ukulungisa ubugebengu kulendawo.

Uquqaba oluthukuthela ngalesi sigameko, lubhikishe ngaphandle kwesiteshini samaphoyisa endawo, lwathi uma umsolwa ededelwa, azozithathela umthetho ngezandla, kusho abezindaba zeThe Star.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter