Johannesburg - Umndeni kasomahlaya uTrevor Noah, ubungcwaba umzala wakhe, 24, owabulawa, kusho umbiko wabezindaba wakamuva.
Lesi yisigameko sesine sokuhlaselwa kwabantu besifazane emndenini wakwaNoah, kubika iSunday Times.
NgoMgqibelo, izihlobo zihambele umngcwabo kalowo obenguthisha uCebisile Happiness Khoza, owabulawa, ngaseWasbank, KwaZulu-Natal.
OLUNYE UDABA: Uhambe kahle umcimbi wosomahlaya
Lesi sigameko sakamuva sichaza ukuthi sezintathu izihlobo zikaNoah esezibulewe.
Umama kaTrevor, uPatricia, wasinda ngokulambisa eminyakeni eyisithupha eyedlule ngesikhathi owayengumyeni wakhe emdubula emshiya ethi uqedile ngaye.
Ugogo kaTrevor, uNomalizo ukhulume emngcwabeni usizi lubhalwe emehlweni wathi: “Ungayichaza kanjani into enje? Yisiqalekiso lesi, umndeni wami uqalekisiwe.”
UKhoza wabulawa isidumbu sakhe sashiswa, satholakala esimobeni eGreytown.