Durban - Umphakathi waseThekwini uthi umiswe kabi yizigebengu ezisencane ezinye zazo ezisafunda isikole.
Umphakathi uthi izehlakalo eziningi zokubanjwa kwenkunzi kuhlonyiwe zenziwa yigenge esencane, kubika izindaba seDaily News.
Imiphakathi ithi abafundi babamba inkunzi badune nezimoto behlome ngezibhamu.
Funda nalolu daba: ZImkhalele umfundi osolwa ngokubulala uzakwabo
Ngesonto eledlule uRobert Johnson, 64, washaywa wabanjwa inkunzi abafanyana abaseminyakeni elinganiselwa ko-15 ubudala, ababegqoke imifaniswano yesikole - uJohnson wafelwa yimoto yakhe ku-N2, ngasesikhulumweni sezindiza esidala.
Ngasekuqaleni kwenyanga, amaphoyisa abopha umfundi, 20, wakwaGrade 11, owabanjwa ezama ukubaleka nemoto eyebiwe kanti ngoNovemba nyakenye, amaphoyisa agasela esikoleni ePhoenix abopha umfundi owabanjwa nesibhamu esingekho emthethweni.
Kuvela lezi zindaba nje, kubhekeke ukuthi uNgqongqoshe woMnyango wamaPhoyis a uNathi Mthethwa, ethule izibalo ngobugebengu obuqhubeka ezweni, izibalo zizokwethulwa ePitoli ngoLwesihlanu, khona namhlanje.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.