'Umphrofethi wathi uzongiqashele 'inkabi' ezongibulala'

Johannesburg - Umnikazi wenkampani yonogada eqapha ibandla lomfphrofethi uMboro usola lo mphrofethi ngokumqashela inkabi ezombulala ngo-R10 000, ngokwemibiko yangoLwesibili.

Umnikazi wenkampani yonogada iFBi Security uThabo Hlongwane utshele abeDaily Sun ukuthi izinkinga zaqala ekupheleni kuka-Ephreli ngesikhathi lomphrofethi enqaba ukukhokhela onogada, ebasola ngokumebela.

UHlongwane waya emzini kaMboro wathatha imoto yakhe yohlobo lweHonda Civic, kusho umbiko.

OLUNYE UDABA: Ivideo-Indoda ithi ishaywe ngumprofethi uMboro

Wafike watshela uMboro ukuthi uyoyithola mhlazane wamkhokhela imali yakhe engu-R100 500 awukweleta inkampani.

“Kunokuthi axolise enze ubuntu ngokungangikhokheli ungithumelela imiqhafazo engisongelayo. Uthe uzokhipha imali engu-R10 000 wenkabi ezongibulala ezothola imoto yakhe,” kusho uHlongwane.

UMboro ukuvumile kwabephephandaba ukuthi wayithumela imiqhafazo esongela uHlongwane.

“Ngayinqamula kudala inkontileka nale nkampani ngoba yayingawenzi umsebenzi.”

- “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter