Durban – Umshophi owesifazane eshayisa ebulala indodakaza yakhe ngemoto yomsebenzi eMlazi eningizimu yeTheku nokuyisigameko esishaqise umphakathi ngokusho kombiko.
Ngokubika kweDaily Sun uSithembile Khanyil namanje usazama ukubuyela esimweni sakhe ngemuva kwalesi sigameko okusenzima ukusidlulisa engqondweni yakhe esenzeke ngoMgqibelo esigcemeni sakwa-P eMlazi.
Amaphoyisa kubikwa ukuthi avule icala lokubulala ngokungenhloso kodwa bekungaboshwa muntu ngalesi sigameko.
Kubikwa ukuthi ukuthi uSithembile wayehlehlela ngemoto egcekene ngesikhathi eshayisa indodakazi yakhe u-Amile Khanyile yashonela khona lapho.
Omunye womakhelwane ocele lingadalulwa igama lakhe uthe lena yingozi enyantisa igazi kakhulu kuzozonke esake azibona empilweni yakhe.
OLUNYE UDABA: Udilikajele kowabulala umlamu wakhe
“Sezwa ngomhayizo omkhulu ngesikhathi sibona owesifazane ephuma ngokushesha emotweni eyobheka ingane yakhe ngemuva.
Sithe uma sisondela samfica ekhala engasalawuleki ingane isishonile. Wasitshela ukuthi ushayise ingane yakhe ngephutha ngesikhathi ukuhlehlela akhiphe imoto egcekeni,” kusholo makhelwane.
Leli phephandaba lithole ukuthi uSithembile ushde ngonyaka owedlule noSizwe Khanyile waselokishini laseMpumalanga entshonalanga yeTheku.
Laba bashadikazi bebeqashe indawo yokuhlala eMlazi abayithole ngemuva kokubopha elikasofa silahlane.
Okhulumela amaphoyisa uColonel Jay Naicker uthe kuvulwe icala lokubulala ngokungenhloso esiteshini samaphoyisa eMlazi wabe esekuqinisekisa futhi bekungakaboshwa muntu ngalesi sigameko esishaqisayo.
- “Like” ikhasi lethu kuFacebook ukuze uthole izindaba ngolimi lwakho