Johannesburg - Umthetho waseNingizimu Afrika uvuna idlanzana labantu abamhlophe nabantu abanemali, kusho inyunyana yabasebenzi iCongress of SA Trade Unions, ngoLwesithathu.
ICosatu esifundazweni iNorth West, isho kanjena kulandela isinqumo seNkantolo enkulu eVentersdorp.
Inkantolo imkhiphe phambili umfana osemncane obebhekene necala lokubulala u-Eugene Terre'Blanche ngonyaka ka-2010.
UPatrick
Ndlovu, utholakale enecala lokuqgekeza kuphela kwathi obekade esolwa naye uChris Mahlangu watholakala enecala lokubulala.
"SiyiCosatu siyohleze sisho ukuthi izinkantolo zichemile, zivuna abamhlophe. Abantu abahluphekayo namannje bacindezelwe nomthetho uyehluleka ukubavikela," kusho okhulumela inyunyana uSolly
Phetoe.
Esitatimendeni, uPhetoe uthi baphoxekile ngesinqumo senkantolo.
Uthi kubukeka sengathi inkantolo ayizibhekanga izingqinamba abasolwa ababebhekene nazo.
"Kulesi sifundazwe iNorth West, sigade isigwebo, sizimisele ukuvikela abasebenzi basemapulazini," kuchaza uPhetoe.
– "Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
