Ungqongqoshe uNathi Mthethwa uyazihlangula kuleli khasi elinesithombe sakhe nomkakhe uPhilisiwe futhi elinabalandeli abangu-2 000.
“Anginalo ikhasi kuFacebook futhi angizange nginikeze muntu imvume yokusebenzisa iminingwane yami ukuvula leli khasi,” kusho isitatimende esikhishwe yilo ngqongqoshe.
“Ngiyasigxeka ngokuphindiwe isenzo sokusetshenziswa kweminingwane yami, yingakho ngizothatha izinyathelo zomthetho ukuze kuphenywe ngalokhu,” kuqhuba isitatimende.
Ungqongqoshe uMthethwa ulandela nabanye ozakwabo osekuvulwe amakhasi kule nkundla kusetshenziswa amagama abo.
Ngenyanga eyedlule ongqongqoshe uThulas Nxesi wezeMisebenzi yoMphakathi nowezimali uNhlanhla Nene nabo bafake isikhalo ngamakhasi abo kule nkundla.
Ukuvulwa kwamakhasi angamanga kule nkundla sekuyinsakavukela umchilo wesidwaba ikakhulukazi kosaziwayo abahlukene.
- “Like” ikhasi lethu kuFacebook ukuze uthole izindaba ngolimi lwakho