Pietermaritzburg – Unqatshelwe ibheyili owesifazane owazivumela ngokwakhe ukufunza izingane zakhe umuthi wamagundane iRattex ngokusho kombiko.
USilindile Mtolo oneminyaka engu-20 ubudala wahlolwa isimo sokusebenza kwengqondo yakhe ngoLwesine ukuze kutholakale ukuthi uphila saka ekhanda.
Udokotela bathola ukuthi uphila saka ngokusho kommeli wakhe uJay Sundar.
UMtolo wacela inkantolo ukuba imdedele ngebheyili nakuba azivumela ngokwakhe ukufunza amadodana akhe uMelokuhle onezinyanga ezine ubudala noMthambo oneminyaka emibili umuthi wamagundane iRattex ayeyifake ephalishini lazo njengoba engeke ayithole imali yesibonelelo uma eqhubeka nokubhadla ejele.
OLUNYE UDABA:Umculi uthi yisiphukuphuku nje lesi asishaye eDBN
Izingane zisanakekelwa ugogo wazo.
Lesi sigameko kubikwa ukuthi senzeka ngomhlaka 16 kuJuni.
NgoLwesihlanu iMantshi imnqabele ibheyili uMtolo yaveza ukuthi yenzela ukuphepha kwakhe njengoba umphakathi ungase uvuke indlobane uma umbona esephumile ngemuva kwesihluku sakhe.
Leli cala libe selihlehlela umhlaka 27 kuJulayi.
Kusalindeleke umbiko ogcwele mayelana nesimo sempilo yezingane.
- “Like” ikhasi lethu kuFacebook ukuze uthole izindaba ngolimi lwakho