Pretoria –Umsubathi wakuleli ogijima ngamaxhumela u- Oscar Pistorius uphephile ejele lokhu okushiwo umholi weqemmbu iganga 26 uShalil Subjee.
Empeleni uSubjee uthi akanendaba no-Oscar ngoba akabulalanga umuntu wohlanga lwabamnyama.
UPistorius wagwetshwa iminyaka emhlanu ejele ngesonto eledlule ngelokubulala unobuhle nentombi yakhe uReeva Steenkamp.
OLUNYE UDABA: Uchiphize waze walala u-Oscar - Umbiko
Ngesikhathi kuqhubeka icala umshushisi kaPistorius walwela ikhasimende lakhe uPistorius ukuthi anganikwa isigwebo sokuvalelwa ngaphakathi ngoba uSubjee wathi uzomgwaza.
Lokho kwamucasula uSubjee, kubika iPretoria News.
"Kodwa uBarry Roux engasisho kanjani isitatimende esinjalo ngaphandle kokuxoxisana nami? Ukube ngangifuna ukumlimza u-Oscar ngangizothumela amasosha ami angaphandle akwenze lokho," kusho uSubjee.
USubjee ungowasendaweni yaseLenasia kanti ulokhe ephuma engena ejele eminyakeni engu-33 edlule.
Leli qembu i-26 ligxile ezimalini ngaphakathi ejele.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter