'Uphila kahle uma une-airtime ejele'

Johanesburg - UMnyango wezobulungiswa uthwele kanzima njengoba izinga lokusetshenziswa kwamaselula emajele linyuka ezweni lonke.

I-Airtime emajele sekuyinto okuphilwa ngayo.

Iningi leziboshwa elikhulume nabeTimesLive ngoLwesibili lithe lisebenzisa i-airtime ukuthola izinto njengoba kuqala bekusetshenziswa ugwayi.

"Kuya ngokuthi udingani kanti futhi yini ozimisele ukuhlukana nayo ngaphakathi ejele," kusho esinye seziboshwa.

OLUNYE UDABA: 'Inkabi' ingene enkundleni yezokuxhumana isejele

Ngokusho kweziboshwa, i-airtime ingasetshenziselwa nokuthenga ukudla noma izidakamizwa.

"Uma une-airtime ka-R29 ungakwazi ukuzithengela iphakethe likagwayi," kusho esinye isiboshwa.

Kulula ukushushumbisa i-airtime kunogwayi ngoba nge-airtime uyakwazi ukucela ilungu lomndeni wakho ukuba lithumele umqafazo wezinombolo zayo. Uma unayo ungakwazi ukuthola noma yini oyidingayo.

"Ijele indawo lapho esinesikhathi esiningi khona singenzi lutho, isikhathi esiningi sisischitha kwi-internet. Mina selokhu ngaboshwa senginoTwitter, uFacebook, u-Instagram noWhatsapp."

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter