Uphume ngesamagundwane uMaimane ehambise amanzi

Johannesburg – Amaphoyisa kudingeke avikele aphinde aphelezele umholi weDA ePhalamendeni uMmusi Maimane ngesikhathi ephuma endaweni yaseTsakane ngaseBrakpan eGauteng ngemuva kokuqhuba umkhankaso wokuhlinzeka ngamanzi ngoLwesithathu.

UMaimane ubezoletha amathangi amabili amanzi emphakathini waseSection 17, kodwa iqeqebana labantu abeligqoke iziklibha ze-ANC lihhahhabeze uMaimane ngesikhathi efika.

"Hamba," kusho abantu.

Abanye abantu bebephethe izingqwembe besola iDA ngokubathengisela amanzi.

"Maimane hamba uyodayisela uZille amanzi akho," eminye imibhalo yabantu.

Isakhamuzi, uBila Ndou, sithe iDA yatshela abantu ukuthi abathathe ubulungu beqembu ngaphambi kokuba bathole amanzi.

Funda nalolu daba. Kushoda amanzi eGoli namaphethelo.

"Ibikephi iDA emasonto amathathu edlule amanzi singenawo,” kubuza uKabo Mhlazi.

UMaimane uthe amathangi amabili abekwe endaweni ephephile ngoba ubengafuni ukufufusa udlame.

Ukuphikile ukuthi iDA ibifuna abantu bajoyine iqembu lakhe ukuze bathole amanzi.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).