Usale ebalisa obekhulelwe ingane yabanye abazali

Johannesburg - UNthabiseng Motaung wayexakekile ngezimali.Wathi mayebona isikhangiso se-Sparkle Surrogate Agency, wazitshela ukuthi iphenduliwe  imithandazo yakhe.

Wathenjiswa imali engango-R40 000 uma engakhulelwa ingane yabanye abantu.

Wabe esevumile uMotaung, 25, waseGlenRidge, eSoweto, nokumanje usele nengane yabantu ayeyithwele.

UMotaung utshele abeDaily Sun ukuthi wahlangana noLydia Griffiths enxanxathela yezitolo e-Eastgate.

ULydia wamuthembisa ukumkhokhela uma engakhulelwa.

UMotaung uqhube wathi: “ULydia wayefike nomuntu othwebulayo bathatha izithombe zami wangibuza nemibuzo. Ngo-Okthoba ngahanjiswa kudokotela eBronkhorstspruit okunguyena owangijova.

"Wabe esengitshela nokuthi ingane izothathwa abazali bayo uma isibelethiwe, kodwa lokho akwenzekanga. Ngamushayela ucingo wathi usematasa.

"Kwakuthi angiyishiye lapho esibhedlela ingane."

OwoMnyango wezeNhlalakahle uSello Mokoena uthe: "UMotaung akufanele ayigcine ingane, ziningi izindawo zokugcina izingane kanti uMnyango uzohxumana noMotaung."

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

 - Thola ezinye izindaba zeDaily Sun kumakhalekhukhwini wakho

 - Thola izindaba zeDaily Sun kuFacebook