Usazobhadla ejele uthisha obenukubeza abafundi

Durban –  Usazoqhubeka nokubhadla ejele uthisha osolwa ngokukhokhela abafundi ukuze azithokozise nabo ngokocansi.

Lokhu kuvele eNkantolo yeMantshi yaseThekwini lapho evele khona kafushane ngoLwesithathu. 

Kubikwa ukuthi kwatholakala izithombe zabafana besikole ezishaqisayo ezikhombisa besesimeni sokwenza ucansi okuthiwa washutha khona la mabhungu ngomakhelekhwini.

OLUNYE UDABA: Uthisha wesifazane uvume elokulala nomfundi

Kubikwa ukuthi kuningi nokuthi okutholakale kulo thisha okukhombisa izingane zabafundi zizimbandakanya ngokocansi naye.  

Umbiko weWitness uveze ukuthi aleli cala lihlehliswe ngenxa yokuthi amaphoyisa asafuna isikhathi ngokuqhubeka nokuqoqa ubufakazi.  

Ziyanda izigameko zothisha abahlukumeza abafundi kuleli kanti lokhu sekuvuse itwetwe eMnyangweni wezeMfundo kuleli.

    - “Like” ikhasi lethu kuFacebook ukuze uthole izindaba ngolimi lwakho

       - Landela IzindabaNews24 kuTwitter