Johannesburg - Umsubathi olahlwe yicala lokubulala, u-Oscar Pistorius, usevalelwe etilongweni iKgosi Mampuru II, kusho uKhomishana wamaJele uZebilon Monama.
"Ubukeka ekhathele, nokho hhayi kangako, umfundisi ube esehamba eyokhuluma naye," kusho uMonama etshela abezindaba zeSapa.
"Uyilokhu abathi ngesiBhunu ukuba-deurmekaar (ukudideka). Ngemuva kokubonana nomfundisi ube esekhuluma nodokotela wengqondo naye ozame ukukhuluma naye," kuqhuba uMonama.
UMonama uthi uPistorius ugcinwe egubhini lakhe yedwa.
Funda nalolu daba: UZuma uohawula ngesigwebo sika-Oscar
"Ukuhlaliswa kwakhe yedwa kungenxa yobuthaka bakhe. Ngaphansi komthetho iCorrectional Services Act, kuwumsebenzi wami ukuthi ngivikele isiboshwa esibukeka sibuthaka," kusho ukhomishana.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.