Ushaywe ngoswazi oluncane owabulala omunye umfundi

Johannesburg – Ijaji ecaleni lomfundi owadubula wabulala omunye owayedume ngokuba yisichwensi esikoleni, libuze ukuthi kungani isikole singazange siyisukumele indaba yezichwensi.

Ujaji uBert Bam uthe umuntu kumele isiqonde isimo esinzima ayebhekene naso uTsundzukani Mthombeni kulandela ukudelelwa njalo, ezwiswa ubuhlungu.

NgoNovemba 20, uMthombeni weba isibhamu sikanina somsebenzi, wayanaso ePhineas Xulu Secondary School, nokuyilapho ayefunda khona, wafike wadubula wabulala uNkululeko Ndlovu,18.

Funda nalolu daba: Uthole ibheyili owadubula wabulala indoda egaraji.

Ecaleni eliqale ukuthethwa ngoLwesine eNkantolo eNkulu ebihleli ePalm Ridge, umshushisi uphoqelekile ukuba alivale icala ngemuva kokubiza ofaka abathathu kwabangu-18 abakhulume into eyodwa bonke.

UJaji Bam uthole uMthombeni enecala lokubulala ngokungenhloso kanye nelokuphatha ngokungethetho isibhamu kanye nezinhlamvu, kubika iThe Star.

Ube esegwetshwa iminyaka eyisikhombisa ebhadla ejele, walengiselwa ngeminyaka emihlanu ecaleni lokubulala.

Kwelesibhamu, uMthombeni ugwetshwe iminyaka emibili ebhadla ejele, walengiselwa ngeminyaka emihlanu.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).