Ushonile oqhunyelwe yithayi ebusweni elishintsha

Johannesburg – Kushone indoda ngemuva kokuqhunyelwa yithayi leloli ebusweni ngesikhathi elishintsha emgwaqeni omkhulu ngaseFochville, eGauteng, kusho abakwa-ER24.

Lesi sigameko senzeke ngoLwesihlanu ebusuku ku-R54, kubika i-ANA.

Abosizo lokuqala bakwa-ER24 bafike endaweni yesigameko bathola lo wesilisa elele echibini legazi eduzane neloli.

OLUNYE UDABA: Ulimale kanzima oqhunyelwe yithayi elishintsha

“Bathe uma bemhlola bathola ukuthi ulimale kabi ekhanda nasemilenzeni.

“Abezimo eziphuthumayo babe sebeqala bemlapha besebenzisa imishini, wase edluliselwa esibhedlela.

“Ngebhadi ufike washonela khona.”