Johannesburg - Umndeni wakwaSibetha ubusendleleni uya kofihla ugogo wekhaya e-Eastern Cape ngesikhathi uvelelwa yingozi ebulale amalungu amathathu omndeni, kusho umbiko.
Ayishumi amalungu omndeni abesuka eWallacedene, eKraaifontein, eKapa, ehamba nge-Avanza Toyota elibangise eDutywa, ngesikhathi evelelwa yingozi eNcingwane, kubika iDaily Sun.
USiviwe Sibetha, 29, nonkosikazi wakhe uNosimanye Sibetha, 28, nosana lwabo lomfana obelunezinyanga ezintathu luzelwe, bashone ujuqu.
Amanye amalungu omndeni ayisihlanu alimale kabi ase aphuthunyiswa esibhedlela, nalapho kwembulwa kwembeswa kuwo.
OLUNYE UDABA: Kushone umndeni engozini eKZN
Elinye ilungu lomndeni uNtombencinci Sibetha, 72, ushayeke phansi washona ngesikhathi ezwa ngokudlula emhlabeni kwezihlobo zakhe.
Lo mndeni kumanje ubhekene nomsebenzi wokungcwaba amalungu amane omndeni, kanti uthi awazi uzothathani uhlanganise nani.
UNomsa Sibetha, 31, uthi baswele ngendlela exakile.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter