Johannesburg - Owesifazane ubelethe wathola indodana ngemuva kwamahora ethole ukuthi ukhulelwe.
USophie Bird ubesebonane odokotela kaningi ekhala ngesiyezi, isisu, kanye nokuqunjelwa okuyizimpawu zokukhulelwa kodwa akekho noyedwa udokotela obonile ukuthi ukhulelwe.
Umzimba wakhe obungu-133kg isisindo ubusifihlile isisu, kubika iMail Online.
Ngesikhathi esephinda futhi eya esibhedlela ekhala ngesisu, ufike wahlolwa kwase kuvela ukuthi uzithwele.
Okuseqinisweni, ngesikhathi kutholakala ukuthi ukhululwe, ubesevele esebeletha.
"Ngimukhulu kakhulu, bengingazi ukuthi nginamasonto angu-38 ngikhulelwe, lokhu kungithusile," kusho uBird, njengoba ethi ubesebenzisa amaphilisi okuhlela umndeni ngalesi sikhathi.
UBird uqhube wathi: "Bengihlela kanti futhi ngisakhula ngake ngaphathwa i-polycystic ovaries, bengizitshela ukuthi ngeke ngikhulelwe ngendlela yemvelo, ngikhulelwe,angikaze ngicabange ukuthi ngingakhulelwa.
Ngemuva kwamahora amane ubesephethe indodana yakhe uRowan.
Njengoba uBird esebelethile usehle ngo-50kg emzimbeni.
- “Like” ikhasi lethu kuFacebook ukuze uthole izindaba ngolimi lwakho