Durban – Uvelile umalugaju eNkantolo yeMansthi yaseMpangeni ngoMsombuluko ngamacala amathathu okudlwengula, kusho amaphoyisa aKwaZulu-Natal.
USibongiseni Thusi, 29, ugcinwe esitokisisni kuze kube umhlaka-31 Agasti eyofaka isicelo sebheyili, kusho okhulumela amaphoyisa uMajor Thulani Zwane.
OLUNYE UDABA:Kutitinywe obezama ukudlwengula unina
“Ngomhlaka-20 Agasti kwadlwengulwa owesifazane oneminyaka engu-22 ubudala maphakathi nedolobha laseMpangeni ngesikhathi ehehwa ngowesilisa owamthembisa umsebenzi wamthatha wahamba naye baya endaweni eyihlane wamdlwengulela khona ngaphambi kokuba abaleke.”
Ezinye izisulu zakhe ezimbili zineminyaka engu-15 nengu-19 ubudala nazo wazithembisa umsebenzi wazihambisa endaweni eyihlane wase ezidlwengula phakathi kukaFebhuwari noEpreli kulo nyaka.
- “Like” ikhasi lethu kuFacebook ukuze uthole izindaba ngolimi lwakho