"Konke kwenzeka ngokuphazima kweso. Saba nengxabano yemizuzu embalwa,” kusho u-Andre van Deventer, 36, elandisa ngodaba lwakhe noGloria Kente.
"Gloria, ngiyaxolisa kakhulu ngengakusho.”
NgoLwesihlanu, iNkantolo yeMantshi yaseKapa ithole uVan Deventer enecala lokushaya nokuthifela uKente ebusweni, esigamekweni esenzeka emzini oseTable View.
OLUNYE UDABA: Kulindeleke isinqumo kowabiza isisebenzi nge'khafula'
UKente watshela inkantolo ukuthi ummangalelwa wamgxavuna ngezingubo zokulala, wakhuluma amagama aziswana maqede wamthifela ebusweni.
UVan Deventer walivuma icala lokudicilela phansi isithunzi kepha wathi akaze ambeke isandla uKente.
"Angicwasi ngokwebala. Nginezingane ezimbili ezingamaKhaladi. Ngathandana nowesifazane walolu hlanga iminyaka engu-8 yonke,” esho etshela izintatheli, izinyembezi zigcwele amehlo.
- “Like”
ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter