Johannesburg - Umfana, 14, owavuka umbhejazane wavulela ngenhlamvu eBerea, eGoli, kulindeleke ukuba avele eNkantolo yeMantshi yaseHillbrow ngoLwesibili, kusho amaphoyisa.
"Lo mfana wavuka indlobane wadubula ebhekise ebantwini ebalimaza," kusho okhulumela amaphoyisa aseHillbrow uSergeant Mduduzi Zondo.
Kwalimala owesilisa nowesifazane kulesi sigameko.
OLUNYE UDABA: Uzovela enkantolo odubule wabulala umyeni
"Lo mfana wabe esebhekisa isibhamu ngakuyena wazidubula onyaweni, waphuthunyiswa esibhedlela engaphansi kweso lamaphoyisa."
Lesi sehlakalo senzeka ngoLwesine olwedlule.
Umfana wabe esededelelwa ezandleni zabazali bakhe.
UZondo uthe amaphoyisa ayaphenya ukuthi le ngane yasithola kanjani lesi sibhamu sikababa wayo.
Umfana ubhekene necala lokuzama ukubulala nokutholakala nesibhamu nezinhlamvu okungekho emthethweni.