25 Jan 2015

Usekhulumile uPastor Zondo

Zanele Mtshali, Vukile Nsibande

Cape Town – UPhuma esontweni sisi? Umfundisi unikhombisile induku yakhe? kubiza abesilisa behlangana nentatheli yeNews24.

Enkonzweni ebilindelwe ngabomvu kaPastor S Zondo wodumo lwezinkulumo ezikhuthazayo, kulandela ukuputshuka kwe-video eveza ubuze bakhe, bekugcwele phama.

Phakathi kwabantu abebehambele inkonzo bekungozakwabo basemsakazweni uKhozi FM, okubalwa kubona uDJ Sgqemeza, uSbu Buthelezi, uThandeka, Mangethe kanye nabefundisi abehlukene okubalwa kubona noZindela.

UZondo ngesikhathi eshumayela uthe, “Ningayi-delete i-video komakhalekhukhwini benu. Kodwa-ke uma senize nayisusa, ningayisusi emiqondweni yenu ukuze mhla zininetha kulo mhlaba nikhumbule ukuthi kunomfundisi owashuthwa enqunu kodwa wangazibulala.”

Funda nalolu daba: 'Ngipheni inombolo yocingo lukaZondo.'

Phakathi kwabantu abebezoqinisa lo mfundisi isibindi bazwakalise ukuthi bona bebengazile kuZondo kodwa ukuzolalela into aphathiswe yona uNkulunkulu.

UZondo ube esexolisa emsakazweni uKhozi FM kanye nakubafundisi bonke.

Uthe: ”Igundane elilodwa lifike lidle ushizi bese wonke amagundane asolwe ngesenzo salo...”

Ucele ukuba abantu bangagxeki bonke abefundisi ngesenzo sakhe.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()