Publications
Partners
Johannesburg - Lowo owayeyinhloko yoMnyango wezokuthutha eLimpopo uzinikele emaphoyiseni ngoLwesithathu ngecala lokubulala nelokuzama ukubulala, kusho amaphoyisa aseLimpopo.
"Uzinikele emaphoyiseni kulandela izinsolo zokuthi wabanesandla ecaleni lokubulala nelokuzama ukubulala,” kusho uBrigadier Hangwani Mulaudzi.
Umsolwa kanye nabanye ababili okuthiwa wayesebenzisana nabo
kuthiwa bathumba abalisa abathathu eSekororo ngaseTzaneen ngoMsombuluko, bebasola
ngokuphanga, usho kanje.
Funda nalolu daba: Kuboshwe iphoyisa elidubule labulala umshayeli.
Abalisa bashaywa kabuhlungu ngaphambi kokuba bashiywe ngasesitolo esidayisa utshwala nokuyilapho batholwa khona unogada.
Omunye wabalisa washona kanti ababili baphuthunyiswa esibhedlela iSekororo Hospital.
Abasolwa abathathu bagcinwe esitokisini kanti kulindeleke bafake
isicelo sebheyili eNkantolo yeMantshi eNaphuno ngoLwesine.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.
