Port Elizabeth - UChristopher Panayiotou uzophinde achithe enye impelasonto esesitokisini eSt Albans njengoba esalinde isinqumo sesicelo sebheyili.
IMantshi u-Abigail Beeton ngoLwesithathu ulihlehlisele umhlaka-4 Juni icala, nalapho kulindeleke ukuthi ethule isinqumo sakhe ngokuthi ngabe uzomnikeza yini ibheyili uPanayiotou.
UPanayiotou, 28, usolwa ngokuba ngungqondongqondo ekubulaweni kukankosikazi wakhe uJayde, ngomhlaka-21 Ephreli nonyaka.
OLUNYE UDABA:Kuthiwa ubeqonyiwe osolwa ngokubulala umkakhe
Ubhekene namacala abandakanya ukwakha itulo lokubulala, elokubulala, ukuthumba, ukuphanga esebenzisa indluzula nokuvimbela ukusebenza kwengalo yomthetho.
UThando Siyoli‚ 31‚ noSizwesakhe Vumazonke‚ 30‚ basolwa noPanayiotou kuleli cala, kanti kuthiwa yibo ababeyizinkabi.
UPanayiotou uthi yena akanacala.