01 Jul 2015

Uzogwetshwa maduze one-HIV owadlwengula umfana

Johannesburg - Kubambezelekile isikhathi esingangenyanga ukugwetshwa kukathisha waseSoweto onesandulela ngculazi owadlwengula omunye wabafundi bakhe.

Lo thisha oseminyakeni eko-40 ubudala, walahlwa yicala lokudlwengula umfana, 10, emagcekeni esikole ngo-2013, eNkantolo yeMantshi yaseProtea ngo-Ephreli.

Waphuma phambili ecaleni lokudlwengula umfana wesibili, 9, eMaponya Mall.

Lo mfana uthi lo thisha wamgibelisa emotweni yakhe bephuma kodlala ibhola, esikhundleni salokho waya naye emathoyilethi ale nxanxathela.

OLUNYE UDABA: Kuboshwe ubaba, ubhuti nomalume ngelokudlwengula

Bekulindeleke ukuthi siqale ukwehliswa isigwebo ngoLwesithathu, kepha iMantshi u-Audrey Mpofu ubengekho.

Lo thisha, engeke likhishwe igama lakhe ukuze kuvikeleke izisulu, watshela inkantolo ngaphambilini ukuthi useneminyaka engu-8 azi ukuthi une-HIV.

Ukudlwengula ingane kujeziswa ngodilikajele kuleli.

Icala lihlehliselwe uJulayi 28.

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()