Johannesburg - Owesilisa osolwa ngokugwaza abulale unkosikazi wakhe eBryanston, eGoli, uzohanjiswa ayohlolwa ingqondo, kulalele iNkantolo yeMantshi yaseRandburg ngoLwesihlanu.
Umshushisi uYusuf Baba ucele ukuba inkantolo iyise uYengesen Pillay ukuba ayohlolwa ingqondo izinsuku ezingu-30 kulandela incwadi abayithole esibhedlela saseMgungundlovu.
UPillay uphume esibhedlela ngoLwesine nalapho abelashwa khona kulandela ukuzama ukuzibulala.
UPillay zimkhalele ngoLwesibili ngemuva kokubalekela ingalo yomthetho impelasonto yonke.
Ummangalelwa ungene enkantolo wazisa imantshi ukuthi uzocela ukutholelwa ummeli wamahhala.
Unkosikazi, u-Elmarie, watholwa ngumuntu owayedlula ngendlela waphuthunyiswa esibhedlela, nalaphoa fike aphelela khona.
- “Like” ikhasi lethu kuFacebook ukuze uthole izindaba ngolimi lwakho