Uzongcwatshwa ngokwezinga likahulumeni uMeyiwa

Durban –  Ukaputeni weBafana Bafana uSenzo Meyiwa uzongcwatshwa ngokwezinga likahulumeni wesifundazwe KwaZulu Natal.

Ngokubika kwe-Mercury uNdunankulu walesi sifundazwe uSenzo Mchunu uthe uhulumeni wakhe ufake isicelo ehhovisi likaMengameli Jacob Zuma sokuthi uMeyiwa anikezwe umngwabo okuleli zinga.

“USenzo usebenzele izwe ngokuthi ukuzimisela ezinsukwini zakhe zokugcina.

Ngengeqhawe uzofihlwa emathuneni okufihlwa kuwona amaqhawe esifundazwe abizwe ngeHeroes Acre eChesterville lapho kulele khona abantu abafana nentatheli yodumo uNat Nakasa nabanye,” esho.  

OLUNYE UDABA: Uyinkakha uMeyiwa - Mahlangu

Inkonzo yomngcwabo kaMeyiwa izobanjelwa enkendleni yezemidlalo iMoses Mabhida ngoMgqibelo ezoqala ngo-8 ekuseni.  

Amalungiselelo alo mngwabo ahlelwa nguhulumeni waKwaZulu Natal, uMasipala weTheku, Orlando Pirates, South African Football Association nePremier Soccer League.

NgoLwesihlanu kulindeleke ukuthi kube nenkonzo yesikhumbuzo City Hall eThekwini evuleleke kumalungu omphakathi emini bebade.

     - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter