Wamukelwe ngenhlokomo uZuma e-KZN

Pietermaritzburg – Kuqhume imikikizo nomculo kutheleka uMengameli Jacob Zuma eMbali, eMgungundlovu, KwaZulu-Natal, njengoba ebehambele leya ndawo ngoLwesibili.

Abantu bebeshaye ujenga bemlinde ngabomvu umengameli ngaphandle kweDurban University of Technology ekuseni.

Ugcine etheleke ngezikhathi zamadina, kwasho inhlokomo nomculo, abantu betshengisa ukuthokozela umholi wabo.

OLUNYE UDABA: Ulindelwe ngabomvu uZuma e-KZN

UZuma uhambele amakhaya ambalwa eMbali wakhuluma nezakhamuzi.

Kweminye imizi ayihambele, kubalwa ohlala izintandane ezinakekelwa nguZandile Ngcobo, 20, onakekela izingane zakubo ezine nengane yakhe.

UZuma ubephelezelwa nguNdunankulu waKwaZulu-Natal uSenzo Mchunu, ziqinile ezokuphepha.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter