Kimberley – Zibakhalele abasolwa ababili abebezenza izangoma kanti bahlose ukuqola abantu bese beyanyamalala eKimberely esifundazweni saseFree State ngokusho kombiko.
Ngokubika kweDaily Sun owesilisa oneminyaka engu-35 ubudala waqolwa imali elinganiselwa u-15 000 ngabalisa ababili abamthembisa ukumenza isicebi.
Ngokusho kwalo mlisa laba basolwa bamkhombisa isikhwama esabe sigcwele izizumbulu zemali base bemthembisa ukuthi lezi zigidi kungaba ezakhe uma angase akhiphe u-R100 000 ukuze bamenze abe nenhlanhla.
Kubikwa ukuthi ngokulutheka wenza imizamo wathola u-R15 000 wabakeza wathembisa ukubuye abanike u-R85 000 osasele.
OLUNYE UDABA: Umkhonyovu wabaqwayizi abadayisela izangoma isidoda
Esedla amathambo engqondo kwakhe wafikelwa wukusola ukuthi kungenzeka ukube uyaqolwa wabe esexhumana namaphoyisa.
Ukuze baboshwe laba basolwa wabathinta wathi mabahlangane eKimberely ukuze abanike imali esele kanti yilapho ayesefika namaphoyisa kwabe sezibakhalela.
Okhulumela amaphoyida uLieutenant Donald Mdhluli uthe abalisa ababili abadabuka eMalawi abaneminyaka engu-31 no-41 ubudala baboshiwe ngemuva kokuzaba ukumqola imali.
UMdhluli uthe abasolwa kulindeleke ukuthi bavele eNkantolo yeMantshi yaseKimberley Maduze.
- “Like” ikhasi lethu kuFacebook ukuze uthole izindaba ngolimi lwakho