Cape Town – Ukwebiwa kwamakhebula esiteshini sesitimela kushiye abagibeli besele dengwane ngoLwesihlanu ekuseni ngemuva kokuba izitimela zilibaziseke ngamahora eKapa.
Abagibeli abathukuthele bebevaleleke ngaphakathi ezitimeleni sekusele kancane zifike edolobheni. Kubikwa ukuthi behlile kuzona bashaya ujenge bakekela kojantshi belibangisa emsebenzini ngezinyawo kanti iningi labo besesihaye sadlula isikhathi sokungena.
OLUNYE UDABA:'Izinyoka' ziphazamise ukuhamba kweGautrain
Okhulumela abezitimela bakwaMetrorail uRiana Scott uthe kwebiwe abakhebula angamamitha amane ezintatha ngoLwesihlanu, kubika abe-Cape Argus.
Abakwa Metrorail sebekhiphe umehlokaboni ongu-R25 000 konolwazi ngokwebiwa kwalamakhebula, usho njalo.
- “Like” ikhasi lethu kuFacebook ukuze uthole izindaba ngolimi lwakho