Publications
Partners
Johannesburg - Ikhalelwe ngamasongo indoda yaseSwaneville, ngaseKrugersdorp, ngemuva kwezinsolo ezithi igwaze yabulala unkosikazi wayo, kusho amaphoyisa esifundazweni saseGauteng.
Indoda eneminyaka engu-52 ubudala, iboshwe ngemuva kokuthi umakhelwane wayo ebikele amaphoyisa ngesehlakalo, kusho uWarrant Officer Solomon Sibiya.
"Umakhelwane utshele amaphoyisa ukuthi umsolwa ufike kwakhe ebusuku, kwase kuqala umsindo exabana nonkosikazi wakhe," kusho uSibiya.
Funda nalolu daba: Kufunwa owakwaDabeka osolwa ngokubulala
Kukholakala ukuthi indoda idonse umese yagwaza unkosikazi, uthole amanxeba emhlane nasentanyeni washonela endaweni yesehlakalo.
Umsolwa uzovela eNkantolo yeMansthi yaseKagiso maduze, kusho uSibiya.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
