Johannesburg - Ivele eNkantolo yeMantshi yaseKempton Park indoda, 52, ngoLwesibili ngemuva kokuba itholwe nezidakamizwa zohlobo lwe-tik emzimbeni wayo esikhumulweni sezindiza i-OR Tambo, eGoli.
U-Emmanuel Akunehuezi Obiwuru uboshelwe esikhumulweni sezindiza ngempelasonto, kusho okhulumela amaphoyisa uBrigadier Vishnu Naidoo.
OLUNYE UDABA: Kubanjwe obeshushumbisa izidakamizwa eKZN
U-Obiwuru ungumuntu wesithathu ukuboshwa yithimba lamaphoyisa elenza uphenyo e-OR Tambo.
"Ngesikhathi eboshwa ubeqeda ukwehla ebhanoyini eliphuma eNigeria," kusho uNaidoo.
"Izidakamizwa zitholwe emzimbeni wakhe ezigoqe ngazo, zingathengisa u-R1million ngeyasemgwaqeni."
Icala lika Obiwuru lihlehlisiwe kanti ugcinwe esitokisini.
- “Like” ikhasi lethu kuFacebook ukuze uthole izindaba ngolimi lwakho