Ziphethwe ngesandla sensimbi izisebenzi ze-ANN7

Johannesburg – Kuthiwa ziphethwe ngesandla sensimbi izisebenzi zesiteshi sikamabonakude esisandu kusungulwa i-ANN7 esiphethwe yiziqumama zakwaGupta.  

Ngokubika kwe-Timeslive iqinile imithetho ebekelwe izisebenzi zalesi siteshi iningi lazo elisebenza ukuqoqa izindaba.

Ngokombiko kulesi sitaeshi kuningi izisebenzi ezingavumelekile ukukwenza njengoba uma beke baphula umthetho kubanjwa emholweni wabo.

Kubikwa ukuthi inyunyana yezisebenzi iCommunications Workers Union idlulisele lesi siteshi uxhaxha lwezikhalazo eziqhamuka kwizisebenzi.

OLUNYE UDABA: Okusha ngabakwaGupta

ULazola Pukwana okhulumela le nyunyana uthe sebexhumanile ne-CCMA mayelana nezindlela zokusenza kulesi siteshi.

Wenqabile ukwanda mayelana nomhlangano ababanewo nezikhulu zalesi siteshi njengoba eveze ukuthi asizimisele ukuxoxisana nabo kulungiswe izinkinga zezisebenzi.  

Kubikwa ukuthi kunomqulu onamakhasi amathathu ochaza kabanzi ngengcindezelo yezisebenzi.

Phakathi kwezinto ezivela kulo mqulu wukuphathwa ngokungalinganwa kwezisebenzi njengoba kuvela ukuthi umfundi wezindaba oMhlophe uhola isamba semali elinganiselwa ku-R100 000 ngenyanga kanti kunabanye ozakwabo abagoduka noR4000 ngenyanga.  

     - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter