Johannesburg - Umengameli we-ANC Youth League (ANCYL) uCollen Maine usendleleni ebheke kubo eMatsheng ngaseTaung eNorth West ukuyozitholela iqiniso ngemuva kwezinsolo ezithi amalungu e-EFF azame ukushisa umuzi wakubo izolo ebusuku.
Okhulumela i-ANCYL uMlondi Mkhize ukuqinisekisile ukuthi uMaine isendleleni ebheke kubo ukuyothola ukuthi kwenzakaleni.
“Uma umengameli esefikile kubo wakhuluma nomndeni wakhe kanye namalungu omphakathi sizobe sesazi ukuthi kwenzakaleni,” kusho uMkhize.
Funda nalolu daba: Lihoxisiwe ebelibhekene nomzukulu kaTutu
UMaine Ugxekwe kanzima ngokubiza amalungu e-EFF “ngezinkawu.”
Uphinde wasabisa ngokulwa nalabo abazophazamisa inkulumo ebhekiswe eseizweni ezokwethulwa uMengameli Jacob Zuma ngoLwesine ebusuku.
I-EFF isabise ngokuphazamisa izinhlelo uma uZuma engachazi ukuthi kungani axosha uNhlanhla Nene, kubika iThe Citizen.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.