Durban – Abosizo lokuqala bancome umndeni waseMghungundlovu ngoMgqibelo ngokusindisa ingane yawo oneminyaka emibili ubudala etholakale intanta emanzini.
Abazali bomfana kubikwa ukuthi bamthole e-swimming pool emzini wabo oseScottsville ngoMgiqbelo ntambama ngemuva kokuba bethole ukuthi unyamalele, kusho okhulumela iNetcare 911 uChris Botha.
Ngesikhathi abosizo lokuqala befika, bathole umndeni usuyikhiphile ingane emanzini usuqalile nokuzama ukuyiphefumulisa.
OLUNYE UDABA: Amaphoyisa athungatha ababmbe inkunzi abagibeli ebhasini
"Ngemuva kokuba abosizo lokuqala sebeyixhumile imishini ebheka ukusebenza kwenhliziyo enganeni, bathole ukuthi inhliziyo isashaya.”
UBotha uthe umfana kudingeke afakwe imishini yokumgcina ephefumula.
Uthole ukwelashwa endawebi yesigameko, waphuthunyiwa esibhedlela esesimeni esibucayi