Johannesburg – Izisebenzi ezimbili zosizo lokuqala kanye nesiguli kudingeke babaleke ngonyawo ngemuva kokubanjwa inkunzi bekhonjwe ngesibhamu eHurst Hill, eGoli ngoLwesihlanu ekuseni.
Abosizo lokuqala bebekule ndawo ngemuva kokubizwa ngezithuba zabo-04:00 ekuseni, kanti bahlaselwe ngesikhathi besanake isiguli, kusho okhulumela abezimo eziphuthumayo uRobert Mulaudzi.
"Ngesikhathi oyedwa esematasa elapha isiguli…kwi-ambulance, kuqhamuke abalisa abahlanu ebebehlomile, bakhomba obesheya ngesibhamu bafuna isikhwama semali. Ubanikeze isikhwama wabe esebaleka,” kusho uMulaudzi.
Funda nalol udaba: Onesikhwele ubulale unkosikazi wakhe
Isisebenzi esinye ebesingemuva kwi-ambulance ngesikhathi sizwa umsindo, sithathe isiguli sabaleka naso ngonyawo.
Bahlangane netekisi bayimisa bacela ukugibela kuyona baya esiteshini samaphoyisa esiseduzane.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.